«Мұғалім» жобасы мен үшін 93 жасымда нағыз жаңалық болды. Ұзақ педагогикалық жолымда талай дүниені көрдім, бірақ дәл осы жобадан мен нағыз Ұстаздың тірі рухын сезіндім — баланы, Отанды және өзінің мамандығын шын сүйетін рухты. Бұл жай ғана бастама емес, жүректен жүрекке жол тартқан, мағына мен нұрға толы сапар. «Мұғалім» жобасынан мен болашақ білімнің үміт отын көрдім.»

«Мұғалім» орталығының ашылуы – қаладағы педагогтер қауымдастығын дамытуға қосылған маңызды үлес. Мұндай бастамалар мұғалімнің рөлін арттырып, Алматының болашағына құндылық қосады. Жоба командасына және демеушілерге алғысымды білдіремін

«Мұғалім» жобасы – еліміздің білім беру жүйесін сапалы дамытуға бағытталған маңызды әрі өзекті бастама. Жобаға екі рет қатысып, оның маңыздылығына тағы
да көз жеткіздім. Мұндай бастамаларды қолдаймыз және университеттермен ынтымақтастық арқылы жобаны бірге дамытуға дайынбыз

«Мұғалім» – мұғалім мәртебесін көтеруге бағытталған маңызды қоғамдық жоба. Оның дамуын үлкен қызығушылықпен бақылап отырмын. Мұндай бастамалар – білімді ұлттың негізі.

“Мұғалім” жобасы мұғалімдерді қолдау бойынша жүйелі жұмысымен назар аудартты. Бұл бастамадан болашақтағы ықпалды әріптестіктің мүмкіндігін көріп
отырмыз. Білім беру саласындағы мамандарды дайындау мен сүйемелдеу бағытында бірлескен жұмысқа ашықпыз.

“Мұғалім” – болашақ педагогтерді дайындауда сенімді серіктесіміз. Университетіміздің студенттері жобаға қатысып, қолдауға ие болғанына қуаныштымыз. Алдағы уақытта университет қабырғасынан “Мұғалім” коворкинг кеңістігін ашу мүмкіндігін қарастырып отырмыз.

Осы жоба бастау алғанына бес жыл болды, сол уақыттан бері болашақта мұғалім болуды таңдаған студенттерді айналасына жинап келеді. Қалай екенін білмеймін, бірақ мен де осы жобаның ішінде болып шықтым. Бұл жоба мені шабыттандырды деу – жеткіліксіз. Мен де осы үлкен жолдың бір бөлшегі болғым келеді, бар білген тәжірибемді болашақ ұстаздарға жеткізгім келеді.